陳凱琳處女下注 等張繼聰教路
前港姐冠軍陳凱琳（Grace）與張繼聰昨日齊出席馬場活動，預告來年1月1日將會入馬場，從未試過下注的Grace到時會等張繼聰教她玩。張繼聰就表示今年新年入了馬場開了個好頭，是豐收的一年。
陳凱琳（Grace）與張繼聰昨日齊以大使「好運之星」身份出席跑馬地馬場舉行的「好運1月1賽馬日」記者會，兩人將於明年1月1日到馬場跟大家歡度新年。Grace表示之前曾跟朋友入過馬場一次，純粹欣賞賽事，但就未試過買馬。問她元旦到馬場一試下注？她謂要看看張繼聰會怎樣教她玩，但當日應該會很忙。
張繼聰今年大豐收
張繼聰就表示他今年的1月1日也是以該活動大使身份入馬場，覺得很開心，為新一年開個好頭，他當日也有下注，問到可有贏錢，他笑言：「贏咗開心，同埋成年嘅好運。（今年幾好？）係，今年好開心，遇到好多好人，好導演同好戲，可以同我偶像張家輝合作，仲有拍《葉問3》！可以近距離睇甄子丹打，我自己都要打，同埋開演唱會，今年係大豐收嘅一年。」
另外，問到Grace於無綫台慶頒獎禮當晚有否吃炸雞，她說：「有食一粒，好肚餓，無戴手套就食。（畀人投訴係間接宣傳？）我覺得係體貼，知道我哋肚餓。（男友鄭嘉穎代言炸雞，係咪你call佢？）好多人都咁問我，我冇call佢，嗰晚大家開開心心咁食，都唔介意冇儀態。」
陳凱琳放假忙拍拖
她又透露明年可以放假，年初未有劇開拍，她應會留在香港陪家人。至於可會與男友趁假期去旅行？她說：「睇吓佢得唔得，如果唔得都唔緊要，可以食吓飯。（頒獎禮嗰晚你哋有冇慶祝？）有一齊食嘢。（多謝佢教你演戲？）佢鼓勵咗我好多，有叫我唔好灰心，慢慢嚟唔使心急。」張繼聰則表示沒有因他的劇名被搞錯而生氣，他覺得當晚的得獎者都是實至名歸，又謂替好友韋家雄得獎感高興。
文：名人組