千語挑戰陀飛輪邊玩邊掹眉
由3個四方大型框架組成的瘋狂機動遊戲「陀飛輪」即將隨「東華慈善嘉年華」首度空降前啟德機場跑道，圈中一班女神級BB吳千語、劉心悠、蘇麗珊全部勇字當頭，磨拳擦掌準備挑戰極限，千語BB更聲言要單挑「陀飛輪」，更要邊玩邊「掹眉」，向瘋狂旋轉終極挑戰！
「恐怖絕叫」超級機動遊戲「陀飛輪」是今次「東華慈善嘉年華」的重量級主角，「陀飛輪」是讓玩家身處扭計骰形狀的極化版機動遊戲，會同時於不同方向「迴環立體式」旋轉對抗地心引力，然而這個瘋狂360度高速旋轉已吸引不少機動遊戲愛好者蠢蠢欲動話要玩，一班嬌滴滴的女神BB更準備向它挑戰！
蘇麗珊爛Gag壯膽
當中千語BB雖被喚作BB，但原來膽量超大，昨日她出席新城訪問，被問到坐上「陀飛輪」時會挑戰甚麼高難度動作？千語BB信心十足說：「我會挑戰喺上面『掹眉毛』！（好犀利喎。）但可能錯手嘅話會掹到冇咗一邊眉。」問到想和哪個藝人一齊玩？千語竟踢爆男友林峯細膽：「另一半都幾細膽，唔係好夠膽玩機動遊戲，所以都係帶啲敢玩嘅人去，我會約Angelababy，佢應該幾大膽，陪我玩就最好。」提到上周二（12月8日）林峯生日，千語稱送了一對數千元拖鞋給男友。
另一位女神級「心悠BB」雖自認膽小，但面對這個全球首個迴環立體式旋轉的「陀飛輪」機動遊戲，她亦甘於豁出去：「坐咗上去，我諗我淨係想叫『啊』！」她笑言知道男神周柏豪玩過跳降傘，所以會捉埋柏豪齊齊上「陀飛輪」壯膽。
至於新一代的「宅男BB」蘇麗珊（Cecilia）外表斯文，講到「陀飛輪」，她即搞gag說：「從前有個菲傭，有一日佢飛飛吓就溶咗。」可想和男友游學修一齊玩挑戰膽識？她卻不揀男友，反選了黃修平導演陪她：「好似未見過佢（黃修平）驚、尖叫、頭髮亂晒嘅樣，所以想見吓！」她當然也勇於一試：「知道轉到好似洗衣機咁，好刺激。」
梁雨恩寫生得人驚
歌手梁雨恩原來畫功了得，所以她打算挑戰在「陀飛輪」上寫生：「睇吓畫到出嚟會點，應該會同『陀飛輪』一樣，轉到癲咗！如果畫人像就慘，應該唔會同我做朋友。」
大家若自認比一班女神級BB有更多瘋狂想法，想在「陀飛輪」上挑戰膽量，又想率先免費試玩，可登上「東華慈善嘉年華」Facebook專頁留言位置回答問題及tag兩位好友，最有創意者，將有機會成為挑戰「陀飛輪」者！
文：音樂組