梁漢文召喚「新秀」夾錢爭金獎

已故天后梅艷芳（阿梅）的遺物日前作第二次拍賣，除有最具爭議性的內衣褲外，還有多達71項獎項，當中「曾消失的第一屆新秀金獎」屬「搶手」拍賣品，拍賣價截至昨晚9時為止是6萬港元。曾參加第八屆新秀歌唱大賽而入行的梁漢文（Edmond），前晚以嘉賓身份出席楊千嬅的新碟宣傳活動時，坦言跟譚耀文身同感受，亦認同黃秋生所說的要「還一個尊嚴給藝人」，他說：「雖然唔知拍賣嘅來龍去脈，希望大家尊重大師姐，作為新秀一分子，覺得要尊重梅姐。」他更直認有意競投阿梅的新秀金獎：「其實我有個諗法係叫番新秀嘅歌手夾錢買番個新秀獎返嚟，唔想個獎流出去，希望可以做到呢樣嘢。」

譚耀文支持行動

身為新秀歌手兼阿梅徒弟的譚耀文，早前為阿梅的內衣褲被拍賣而喊爆，昨日他接受電話訪問時，謂相信連阿梅也沒想過當初的意願演變成現今的困境，他對Edmond的呼籲大表支持：「贊成我哋『新秀』同埋好友大家一齊去投番重要嘅獎項返嚟，然後擺放喺香港演藝人協會，因為梅姐曾經係會長，出咗好多好多力。」此外，他更望阻止拍賣阿梅的內衣褲。

譚耀文建議將獎座存放在香港演藝人協會。	呂方全力支持捍衞梅艷芳的尊嚴。	杜德偉表示會盡力保護獎座。

杜德偉出力保護

而第四屆新秀冠軍杜德偉在電話中表示：「我絕對支持梁漢文所講，我會用盡任何方法攞番Anita（阿梅）嘅獎，保護番Anita嘅尊嚴。我會group埋其他『新秀』、同門師兄弟嘅力量去保護番呢個獎座，聽到呢啲嘢係好難過，希望鍾意Anita嘅人繼續鍾意。」他日前在facebook撰文，有弦外之音稱曾到已故貓王皮禮士利的美國故居參觀，但貓王的睡房則是「遊人止步」，他覺得「這是對逝者的尊重，他們都懂，我們卻不懂得。」而同屬新秀冠軍的呂方接受上海長途電話訪問時表示：「我全力支持，對阿梅有利同尊重嘅事要我出錢出力係絕對冇問題。」

昨日楊千嬅出席馬場活動時，談及演藝人協會考慮聯名反對拍賣或夾錢買回阿梅的遺物，她說：「我等緊order，以尊重梅姐為大前提，我都好心噏，唔知有私人物品。（以支持行動？）一定會支持，如果籌款，我哋咪做演出。（支持Edmond提議？）冇問題，係一種緣分，好有意義，我哋係同一個家庭出嚟，大家都得到過梅姐提攜。」

文：音樂組