惠英紅封后籲關注認知障礙症

第七屆澳門國際電影節昨晚在澳門舉行，現場頒了多個金蓮花獎項。「最佳男主角」最終由資深藝人狄龍憑《我來自紐約》擊敗吳鎮宇、甄子丹、馮小剛和彭于晏奪得。狄龍領獎時表示：「感謝評委，多謝太太，喺我困難時將劇本搶番嚟，令我有機會拍呢部電影，而呢部電影劇本亦感動咗我。」

陳家樂喊住奪男配

英皇電影《幸運是我》的惠英紅，憑精湛演技擊敗溫碧霞、王珞丹、許瑋甯和愛新覺羅‧啟星獲影后寶座。惠英紅上台領獎時謂：「呢套電影好有意義，因為講到認知障礙症。當我媽媽50歲病發時成日盪失路，要人帶佢返屋企，當時自己無知，唔認知呢個病。希望電影可以令大家畀愛心病患者。多謝英皇電影嘅楊受成博士，佢除咗投資商業電影，亦有投資唔少藝術電影。」

陳家樂說領獎時腦海一片空白，宣萱則首次獲電影上的獎項。

內地演員愛新覺羅‧啟星不敵惠英紅失影后。

惠英紅在後台受訪時透露：「其實依家母親已經唔認得我，所以台上一番說話一定要講，一直好後悔，講咗出嚟會令我減低內疚感，因為我一直好愛我媽媽。」

陳家樂亦憑《幸》片奪「最佳男配角」，他領獎時感動得眼濕濕說：「多謝老闆、英皇電影、家人、多謝經理人執我返嚟，多謝惠英紅，戲中佢幫咗我好多，我會繼續畀心機做好演員。」陳家樂之後受訪時說：「上到台腦海一片空白，跟住就感動到喊，未同女友講，多謝惠英紅成日鬧我先有進步。要請佢食飯報答佢。」

宣萱恨被摑多兩巴

宣萱則憑《我來自紐約》脫穎而出奪「最佳女配角」，台上她表示：「其實我很少拍電影，呢個係我電影上第一個獎，我會繼續努力。戲中對手狄龍摑咗我一巴，當時佢對我話『你會好o架，畀我打過都會紅。』依家希望佢打多我兩巴。」

「最佳新人獎」由《我》片的陳沁霖奪得，「最佳導演」由《狼圖騰》的Jean-Jacques Annaud奪得，秦怡則獲「中國電影傑出貢獻獎」。