岑麗香有愛情滋潤晒「髮」寶

有愛情滋潤的岑麗香，昨晚以一身金色晚裝配800萬鑽飾上陣，被傳結婚的她更與快將結婚的陳智燊齊齊上場。主持人趁機將香香戀事擺上枱，令她招架不住只以微笑回應。問到香香男友有否看過她這條裙時，香香笑言：「冇，相片出時他就會看到。（可會視像畀男友睇？）錄影廠收得唔好，冇傳呀！（不夠性感可擔心被比下去？）我有轉新髮型，唔係鬥性感嘅！（男友唔畀性感？）佢都唔理我着咩衫！」而與她同行紅地氈的陳智燊，稱一身裝束由未婚妻宋熙年揀選。