蝦頭 陳瀅 《巨星放題》智退張繼聰

最強娛樂資訊App《東網巨星》全力打造的益智遊戲節目《巨星放題》，第八集準決賽已推出，繼續由三位星級考官「Dr.吹神」陳奕迅、「Miss Kay」謝安琪及「Professor Hins」出題考驗自命IQ爆棚的陳瀅、蝦頭及張繼聰。

陳瀅棄女神形象

Eason首先發問：「長頸鹿條頸生得長，因為要食樹上嘅葉，咁點解猩猩鼻窿咁大？」陳瀅醒目答中更不顧女神形象，用手指(禁)住自己個鼻嘗試感受猩猩的鼻窿：「因為要聞其他猩猩嘅pat pat……同埋要撩鼻屎！」蝦頭思索了一會答：「因為要呼吸多啲空氣。」雖然最後她講得出答案，但已超時，錯過搶分機會。Eason揭盅：「因為猩猩手指粗，撩鼻屎時比較易入到窿。」茫然的阿聰無奈得啞口無言，神情超爆笑。

蝦頭臨尾發揮小宇宙贏得決賽席位。	張繼聰被考起，最終遭淘汰。	放大圖片

之後Miss Kay發問：「第一個喺紅館開演唱會嘅歌手？」阿聰最快搶答：「徐小鳳！」蝦頭都有答徐小鳳，但求保險她不停補充：「譚詠麟、甄妮、葉麗儀！」最玩嘢是陳瀅竟答：「Kay！」又讚Kay靚、皮膚好，擺明擦鞋，Kay準備講答案是許冠傑時，阿聰還作狀兇考官：「講！」蝦頭就揼心口：「歌神都唔記得！」開始洩氣的阿聰說：「唉！錯咗兩題！」

張繼聰嘆問題難

最後由Professor Hins發問：「有位朋友不幸因車禍入院，佢家人趕到醫院向醫護人員問情況，醫護人員舉起五隻手指，然後家屬就爆喊，點解？」阿聰搶答：「死咗！」蝦頭都說：「唔得。」天生樂觀的陳瀅就擺出「OK」手勢，軒仔要講答案時，蝦頭在超時前答中：「三長兩短。」

全錯的阿聰嘆今次問題很難，躋身決賽的陳瀅滿臉笑容說：「咁都畀我過到關，決賽再見。」臨尾發揮小宇宙的蝦頭握拳慶祝！大家想睇精彩內容，即快快click入《東網巨星》App的《巨星放題》。文：音樂組