王卓淇濃妝遮靚樣

港姐亞軍王卓淇（Erin）入行後為無綫節目《安樂蝸》做主持，最近她拍攝新劇《愛情食物鏈》。有眼利網友發現Erin比起一年前參選時更加美麗動人，猶如變了另一個人。問Erin是否經常被人讚她比參選時更靚，她毫不諱言：「日日都有。」她解釋參選時多數都以濃妝示人，所以遮掩了真正樣子。她謂：「我覺得自己化淡妝係靚啲，濃妝唔係幾適合自己。（素顏落街都得？）點都會畫眉嘅，眉毛真係好緊要。其他嘅位置我都好有自信，但冇咗堂眉會好似壽星公。」