龔嘉欣又收花 當吳業坤弟弟

新劇《刀下留人》演員邵美琪（Maggie）、黃德斌與龔嘉欣等昨日出席宣傳，期間傾盆大雨，Maggie笑言悽美：「呢個叫水為財，風調雨順。（對收視有冇信心？）收視係一個數字，希望多啲人鍾意睇。（緊接台慶劇播可覺蝕底？）套劇出街已經好開心，係好睇就幾時都好睇。」而昨日26歲生日的嘉欣自爆再獲「神秘人」送花，估計是圈內人所贈，問到是否緋聞對象吳業坤所送？她笑言：「唔知！問吓佢先，其實知我地址嘅人唔多。（佢送嘅話有冇機會？）以我了解嘅佢唔會咁浪漫。（對送花者加分？）都會！」但又「落閘」視對方為弟弟，自己喜歡獲別人照顧。