千嬅中門大開 整Cake吸善款

歌手楊千嬅以「月捐大使」身份亮相，以Deep V打扮配薄薄長褲勸捐，無懼寒風！除了獻唱外，千嬅還會與小朋友整蛋糕，她說：「我OK(口架)！我個仔都識整朱古力蛋糕，大個仔啦！如果仲係玩煮飯仔咁好怪，所以我溝好晒啲材料再畀佢去『發』，玩真會Man啲！（老公呢？）佢都Man，識整嘢食，但屋企個姐姐煮飯好叻，佢湊丁子高由細湊到大，所以我老公下廚機會唔多！（甩難做冇飯主婦？）我起碼有得食先啦！」

謝安琪Big爆熱舞

另一「星媽」謝安琪以Tube Top示人，雖隱藏了事業線，但上圍依然有Big爆效果，她說：「我會表演唱歌跳舞，我好少喺電視上面載歌載舞，入行十年都冇乜跳過。（今晚跳熱舞？）跳完我會好熱嘅舞啦！唔係性感嗰種，練咗3日都唔驚會甩Steps，當係新嘗試。（預計籌到幾錢？）我知有人贊助咗，已經有幾十萬做底，又叫咗啲街坊捐款。（老公呢？）佢做緊嘢睇唔到，可惜！個仔會喺屋企睇。」

千嬅親自整蛋糕而頻頻烏身，善款險中求。	胡定欣、江美儀與唐詩詠出盡力推車，成功籌得60萬。	放大圖片

唔怪黎耀祥齋睇

其他環節上，黎耀祥、胡定欣、江美儀及唐詩詠在「善心力推Wealthy Car」中，成功推動私家車籌得60萬！「女漢子」胡定欣推完車後說：「比起以往做空中飛人之類，今次冇咁辛苦，加上我做開運動有力，但三個女推就爭啲。（怪祥仔冇乜幫手？）佢嘅位置都好重要，負責睇位、阻車，我都要拉車尾箱先停到車。（滿意籌到60萬？）可以再多啲，交畀其他項目啦！」而葉振棠、呂珊、韋綺姍與胡渭康等有份參與、穿插全晚的「靚聲王」環節，有善長捐出一百萬以示支持。

黃心穎與王浩信施制服誘惑，着晒校服籌款。

謝安琪以Tube Top上陣，效果Big爆。

另外，大會司儀之一汪明荃指「明荃之友」今年會捐出以銀紙摺成的「鯉躍龍門」擺設：「用咗1萬3千8百蚊嘅紙幣嚟接，仲用咗綠色10蚊紙嚟摺，嗰啲係絕版，好有心！（出價競投番？）唔會，留番畀善長仁翁。」文：影視組