阿Sa預告性感唔請陳偉霆睇騷

Twins、草蜢、林子祥及黎瑞恩等昨晚出席唱片店開幕派對，Twins的阿Sa及阿嬌狀甚疲倦，兩人表示正忙於為演唱會排舞，問能否打側手翻？阿Sa招積說：「我哋寶刀未老！」阿嬌表示日前連打6個側手翻，更有拍片放上網。

阿Sa透露今次演唱會有高難度性感舞蹈，並與阿嬌笑言要設PG家長指引，因擔心有很多小朋友觀眾。問可會呼籲朋友捧場？阿Sa說：「係朋友就自己會嚟。」問可有邀請舊愛陳偉霆？阿嬌即為好姊妹護駕：「我冇。」阿Sa則說：「總之我唔會請任何人，要嚟嘅人就會嚟。」

林子祥被阿Sa指與她父親似樣。	欣宜遇上男神王宗堯，當然要影張合照。	與陳嘉桓（左）齊現身的黎瑞恩（右）表示病情穩定。

阿Lam早知仔分手

阿Lam獲大會送贈播放黑膠唱片的唱盤，早前《好報》踢爆阿Lam兒子林德信與松岡李那分手，問阿Lam可有關心兒子？他說：「唔係好耐以前嘅事咩？」記者問是否指兩人分手已一段時間？他口窒窒說：「我淨係知佢同草蜢去完美國登台，陣間佢會嚟，睇吓佢係咪真係咁唔開心。」他又笑言林氏家族的人都有「憂鬱樣」：「睇落去好似好慘，但其實內心冇咩事。」草蜢的蔡一智說在美國時林德信心情很好，但沒提及女友。

另外，問到黎瑞恩胰臟瘤的病情，她說：「冇惡化，亦冇大到，keep住都係咁。」

文：音樂組