金剛毋須助查蕊蕊讚有交帶
組合HunterZ成員蕊蕊、陶枳樽及鄧詠雪等，前晚於黃埔亮相慈善活動。穿低胸裝兼晒腿的蕊蕊透露，早前於台北經歷槍擊事件的男友金剛將於日內回港：「情況ok，完全唔關佢事，唔使協助調查，希望冇下次。（你知佢行蹤？）唔會24小時都知，相處要信任。」
問與金剛共患難後是否要結婚？蕊蕊笑說：「件事似拍戲，原來自己嗰刻咁擔心呢條友！不過佢都有交帶，ok啦，未滿分。（夠資格做老公？）未諗，工作為主。」問她會否接男友機？蕊蕊搞笑謂：「未知坐咩機，叫佢自己坐的士，機場咁遠睇吓我順唔順路。」
