黃貫中指其飼養的藏獒有183cm高，其實一般來說，量度大型狗隻的高度即「肩高」，是指狗隻四腳站在地上，由前腳接地處垂直量到肩胛骨的最高點。至於如何定義狗隻為大型狗隻，獸醫李維翰說：「一般都係計算重量，大型狗隻體重一般達20公斤或以上。」對於藏獒的危險性及是否適宜在香港飼養，李維翰指：「適唔適合喺香港養我唔敢講，始終狗本身都有佢哋嘅天性，藏獒係『One Man Dog』，即係馴服於一個主人。而且香港本身亦有法例去監管大型狗隻同危險狗隻，不過即使唔係屬於『危險狗隻』，我都會建議如果太大隻嘅狗出街都要戴上口罩。」