文凱玲仆心仆命撈多瓣
女星文凱玲（Connie）去年簽約王晶成為「晶女郎」，並在明年初上映的新片《鴨王2－雞同鴨戀》中擔正女主角，早前她被《好報》拍得「撈多瓣」，豪花逾30萬元與友人在中環開餐廳，她還親自搬貨、抹燈，搬貨時更不慎仆倒，非常賣力！
昨日Connie在電話中表示開餐廳是希望學多門知識，並非一心為賺錢：「演藝事業發展得唔錯，只係想試唔同嘅嘢，又有個地方同朋友敍會。（兼顧埋生意好辛苦？）都唔會，我哋一大班人，好似劉晨芝會諗橋。」第一次搞飲食業的她笑言自己可負責做生招牌，經常帶朋友來幫襯再傳開口碑，談不上甚麼野心。
