諸葛為「皇帝仔」北京慶生
名媛諸葛紫岐前日與丈夫薛嘉麟於北京設宴十多圍為愛兒薛華韜慶祝兩歲生日，爺爺嫲嫲專程飛往北京為孫兒慶生。她說生日會由媽咪大半個月前籌備，會場布置成開心樂園，有歌唱及抽獎，又有「麵包超人」穿梭會場跟小朋友玩。主角壽星仔的中式造型由外婆設計，穿上中國服的囝囝猶如皇帝仔般，諸葛笑言：「佢厲害過我，我之前都係畀人叫做公主、王后，佢依家已經係皇帝！」
諸葛希望兒子健康快樂成長，又讚他乖，識得同人分享，她說：「今年好難得兩家人一齊為囝囝慶祝生日，好溫馨，集合我哋全家人嘅愛同幸福係最珍貴嘅生日禮物，希望佢長大後睇番啲相會有個愉快回憶。（會唔會生個細佬妹畀佢？）遲啲先諗，睇緣分。（同老公雨過天青好Sweet？）係呀，依家好好。」她預備了由活佛開光的「轉運竹」做回禮作祝福。
