Kelly畀肌佬圍焗住摸

日前陳慧琳拍攝演唱會主題曲《Let's Celebrate》的MV，於中環一間夜店內拍攝，Kelly除了與Dancers大跳勁舞外，更有赤膊大隻男模相伴，一眾赤膊男模現身時即爆出「嘩嘩」聲，但當身穿Bra Top、低胸性感造型的Kelly現身時，則變成男模大叫：「Oh My God（OMG）！」現場的歡呼聲令Kelly不知所措及尷尬：「佢哋夾住我喺中間，我摸又唔係，掂又唔係，最初有啲唔知點好，後來死就死啦，就掂吓碰吓又摸吓咁囉，大家熟咗就冇事，都係專業（口架）嘛！（唔怕老公呷醋？）唔驚，佢應該唔會，我都係工作之嘛，佢好了解。」

七年冇夜蒲

有七年沒去過夜蒲的Kelly重踏夜店，回憶起過去夜蒲的日子：「好多年冇去呢啲地方，記得有年嘅萬聖節玩得最癲，喺蘭桂坊玩，玩完即刻上機飛去溫哥華做騷，因為時差去到仲係31號，變咗過多次萬聖節，連續瘋狂咗兩晚！」她自爆人生中只去過三次夜店，故這次有機會到夜店都感到興奮。Kelly又說拍MV時才知自己消瘦不少，因着上細碼褲跳舞仍邊跳邊甩，要邊跳邊抽褲頭：「後來要補幾針釘窄條褲頭先搞得掂。」

Kelly到夜店憶起夜蒲的日子！	Kelly被赤膊男模圍，不知所措。	Kelly難得有機會到夜店拍MV。

瘦到抽褲頭

日前Kelly將排舞片段放上網，不足三日已超過五十萬點擊率，不少粉絲更留言說：「我們的勁舞『Dancing Queen』回歸了！」粉絲的窩心留言令Kelly充滿力量：「今次有一半係快歌跳舞，一個盛大嘅廿周年聖誕派對！我每晚發夢都見到自己跳緊舞，排完舞又要跟老師操唱功，體能上要好多力量，但最近愈嚟愈瘦，啲衫褲改完又改，唔可以再減啦，要食番正常餐，先夠能量跳舞唱歌！」

文：音樂組