金馬影后林嘉欣昨日出席食店活動，其家人低調現身支持。嘉欣透露試過餵母乳時遇尷尬事：「飲茶時我用布遮住餵人奶，左右嘅人都投以奇怪眼神，我最後要去女廁餵人奶。但我好唔開心，餵母乳係自然嘅事。」
問嘉欣奪影后有否再作慶祝？她自爆回家即生病：「返嚟就發燒，但八點如常湊女返學。」她稱接到不少好劇本，又預告與張學友合作的新片於三月上映。提到有報道指金馬影后評審內幕，經過三次討論後，只花一輪投票就選出嘉欣為影后，她對此表示：「要睇每年評審口味同運氣，當過去咗就冇所謂，唔使再攞出嚟講。」
