宣萱籲大眾收養中年狗

藝人宣萱、梁靖琪（Toby）、江美儀昨日出席慈善午宴，三人到場宣揚有關領養及愛護動物的訊息。宣萱透露現時養三隻愛犬、兩隻貓及一缸魚，坦言養寵物前必須注重承諾的重要性。她又透露患癌的愛犬已在數月前離世，但仍會繼續領養其他中年狗隻。宣萱謂：「好多人鍾意由BB狗養起，但佢哋得14、15歲命，我希望喺佢哋生命行到一半時，都有人去錫去愛，有好嘅環境生活。」更指不會訓練狗隻學任何指令：「我只希望佢哋開心、食得飽、瞓得好，有個安樂窩。（另一半唔可以憎狗？）如果討厭狗，我係唔會開始。」