安撫「失戀」軒仔 祖兒 蝕底被摸胸
昨日是Ivana和新郎Eric So「蘇王聯婚」的大日子，不少圈中好友都抽空出席，包括天后容祖兒、張敬軒、黃偉文（Wyman）、楊千嬅、王祖藍及吳君如等。祖兒與手拿賀禮的Wyman中午12時許到達婚禮場地，Wyman表示買了床上用品：「收到通知時都幾急，所以喺有限時間買到最好嘅嘢！」祖兒則表示實際點「折現」！君如則送上牙刷一對：「等佢哋每朝對住一齊刷牙，當然都有封人情啦！」
婚禮現場其中一個亮點是祖兒上載了一段安慰「失戀」張敬軒的影片，片中軒仔作狀嚎哭，祖兒將他一擁入懷安撫時，軒仔竟一手摸落祖兒心口，還大叫：「咁平嘅？」事後軒仔笑言：「玩吓啫，替佢哋開心。
（你摸到祖兒胸？）借位唔係真摸。（師兄劉浩龍嬲你？）唔會嘅。」至於出席完婚禮趕往開工的王祖藍大讚婚禮感人：「簽字時播Ivana嘅《好時辰》好感人，真的在『好時辰』遇上對方。」
