Ana R.貼心湊B 自嘲似乳牛
圈中又多兩位模媽，混血名模Ana R.和「碩士模特兒」曾咏分別前日和昨日誕下寶貝女，兩位B女昨日同時曝光，Ana R.囡囡屬混血靚女，鼻高兼且身長。而Ana R.主張母乳餵哺，仍然留院的她，取笑自己將醫院當農場，自己是農場的乳牛。
現年36歲的名模Ana R.昨日在社交網站宣布與外籍夫婿Bradley Garland的「愛情結晶品」出世了，Ana在Facebook上載寶貝女腳仔照，見她用手摸着囡囡腳仔的情景甚為溫馨。原計劃自然分娩的Ana R.，透露經過陣痛15小時後，因ＢＢ位置仍然未如理想，故醫生最後決定開刀生產，剛榮升媽媽的Ana續說：「ＢＢ星期六（21日）中午出世，重7.6磅，手腳特別長，身長51cm，原本好想自己生，但無辦法，最後要開刀，（ＢＢ似邊個？）佢個鼻好高，好多頭髮，改名方面原本有心水，依家未定到，同屋企人商量先。」
快速回復狀態
Ana表示自己一向有做運動，故產後不久已回復精神，並且已可下床，預計兩三天後便可與ＢＢ一同回家。她大讚ＢＢ好乖，要食奶時才喊，大部分時間也是睡覺，她笑說：「不過呢兩日不斷餵人奶同瞓，覺得自己好似乳牛，醫院就好似農場。」湊Ｂ無難度的Ana R.，不忘抱着Ｂ女自拍兩母女溫馨的照片，而模特兒公司的同事均到醫院看ＢＢ，齊送上祝福。
而同是孕媽咪的名模Jessica C.，昨日表示從Ana身上獲得不少佗Ｂ心得：「好開心Ana生咗個咁可愛嘅Ｂ女，有晒父母真傳，好期待將來自己嘅小朋友同Ana嘅女兒一齊玩同成長。」
生產過程順利
至於熊黛林的師妹曾咏昨日亦在Instagram上載與ＢＢ的合照，分享於周日（22日）以自然分娩方式，成功誕下小公主的喜訊。曾咏透露囡囡乳名為「包包」，重６磅及身高達48.5cm，同樣是「高妹」一名，面形則較像老公。
曾咏又表示自己的生產和恢復情況相當快：「我生得好快，１點鐘見紅，跟住就陣痛，差唔多７點就生咗，老公全程都有陪住我，佢本身諗住帶相機入去拍嘢，但到我用力生嗰陣，佢就好落力同我打氣，所以冇拍到，不過前前後後都有影到嘅，我生完嗰刻好感動，老公都有眼濕濕，覺得好Amazing，我呢幾日都好努力餵人奶，我算係恢復得好好，生完個幾兩個鐘就落到床。」
文：名人組