粵劇名伶蓋鳴暉與拍檔吳美英昨日到電視城為《2015歡樂滿東華》錄影折子戲《花染狀元紅之渡頭惜別》。今年是蓋鳴暉第廿五年為東華演出籌款，亦是「鳴芝聲劇團」踏入25周年，意義重大：「慶幸有呢個節目，令我哋可以將唔同嘅戲寶搬上銀幕。因為粵劇本身唔入屋，觀眾要買飛去戲院先睇到。」此環節至昨日為止已籌得335萬善款，寄望播出當日善款能翻倍，以及節目能夠籌得過億善款！
