吳啟華飛天凸務 遭渡邊撩陰
港星吳啟華、日本諧星渡邊直美日前飛往大阪，為鄧特希監製新劇《隱世者們》開工，戲中二人打鬥連場，體重達二百多磅的渡邊初嘗吊威吔滋味，當十幾名男工作人員將她吊至三層樓高時，令她忍不住驚叫。不過，始終不及渡邊自摸巨乳色誘啟華的場面來得爆笑，啟華明顯得吃不消表現無奈，但為償渡邊心願，劇情尾段來一個愛的抱抱，令她滿足冧爆！
「裝假狗」自保
拍攝外景時正值當地假期，原定在著名地標的動作場面，未獲有關單位批准拍攝，只好日後移師澳門補拍。然而演特務的啟華亦交足貨，吊威吔時不用替身，被吊至半空「小啟華」激凸仍Chok甫上陣，令監製懷疑他「裝假狗」，啟華亦解釋吊威吔當然要加墊保護！
渡邊自摸色誘
受訪時啟華說拍打鬥場面應付有如：「有畀替身我嘅，但暫時呢啲場口都唔算辛苦，吊威吔上上落落好簡單啫，自己做番啦。（渡邊好靈活喎？）係呀，佢體重有番咁上下都自己吊番，同我打鬥時又踢又跳，算幾叻啦！使出撩陰腿亦好到位。」正因為渡邊的「撩陰腿」夠耍家，嚇得啟華連忙安排替身上陣，力保「小啟華」安全無恙。說到渡邊自摸色誘，啟華哈哈大笑說：「其實係監製設計嘅笑料位，佢演得收放自如，好有喜劇效果。」
文：影視組