小艾講簽文件：合作唔到咪唔合作！

對媽咪「祥嫂」洪金梅否認服侍周到外，又逼簽文件，小艾昨在電話中回應說：「唔知，亦唔想再講，佢想講乜就講乜啦，簽嘢？咪叫佢攞出嚟囉！其實等同做生意，合作唔到咪唔合作囉！（話你唔係服侍周到？）唔緊要啦，曾經做過嘅嘢，又唔係為咗做出嚟畀人睇！唔想佢再數老竇不是而影響佢聲譽，（講祥哥爛賭？）冇人逼佢，係佢（嫁祥哥）自己揀嘅！社會風氣已經唔好，我都唔想講咁多呢啲嘢！」