陳嘉桓昨到尖沙咀出席Hello Kitty健康中心開幕，提到同母異父細佬出生一百日，嘉桓稱有幫手湊B，但試過換片時搞到一身便便，問何時做母親？23歲的她說：「目標25歲結婚，但未有合適對象。（生咗B先結婚？）唔得。」同場有已故藝人司馬燕的表妹陳麗文，提到表姐夫吳忠義與曾拍拖的孫君子罵戰，陳麗文表示跟吳忠義有共識，不應被別人影響司馬燕的形象：「人都死咗，唔應該攞番啲事嚟講，有朋友話可能咁樣導致佢病，係錯(口架)。」並暗示公關友人周美鳳披露事件是「過分關心」。
