祖兒讚母親抗癌勇士

天后容祖兒昨日出席癌症慈善賽跑比賽，去年經歷媽媽患癌的祖兒直言現在參加這類活動感受比以前大，她說：「我媽咪病咗後，我好欣賞佢，佢真係一個勇士，面對個病無論點都會遵從指示，做化療嗰時唔想食嘢佢都會夾硬吞落去，佢本身好鍾意食大閘蟹，但個病唔食得，佢都望住我哋食就算，最大嘅目標就係要醫好自己，係一個好聽話嘅病人。」
祖兒笑言聽到賽車聲就驚。
祖兒笑言聽到賽車聲就驚。

講到男友劉浩龍前日於澳門賽車比賽中奪亞軍，曾在2004年時得到亞軍的祖兒笑言有緣分：「本身佢唔想我嚟睇，大會又安排咗我做頒獎嘉賓，事情往往唔到你選擇，本身唔係頒明星組，又搞亂變咗我頒。」她又講到聽到賽車聲就覺得驚，所以沒有欣賞比賽：「我都知澳門好多彎位好危險，鬆一口氣，可能今個星期會一齊食個飯。」

甚有愛心的祖兒 （右）與小狗玩耍。
  • 甚有愛心的祖兒 （右）與小狗玩耍。