早前在德國柏林舉行的2015斑比頒獎禮中，不少荷里活巨星、國際歌手及模特兒等聚首一堂，行紅地氈自不然會花足心思打扮，所以挑選合適自己的戰衣非常重要，誇張、耀眼的晚裝可能過分浮誇；選穿簡約深沉的晚裝，又難以突圍而出。時裝作家Janice Wong就大讚當中美國女星希拉莉詩韻（Hilary Swank）所穿的晚裝裙用色低調得來，又有睇頭，珠片刺繡工藝不俗，效果清雅又大方。
珠片紗裙設計好靚，漸變色由白變灰、灰變黑，好閃耀。耳環與晚裝平衡得好好，唔會過多，雖然用色低調，但好搶眼，一般珠片容易令人覺得俗，但效果清雅大方，令人覺得好舒服。
件晚裝幾靚，感覺高貴大方，low cut線條設計及draping褶位做得好好，而且紫紅色係今年大熱，紫紅色本身有高貴感，珠寶鑽飾方面佩戴得好平均。
條褲太長，至少要短一吋，依家變咗拖地喇叭！雖然jumpsuit款式好簡潔，加番條閃石belt，同埋唔使扣晒鈕，顯得好嚴肅，亦可以加條鑽石頸鏈，效果時尚啲。
佩戴咗吊飾耳環，所以唔使戴頸鏈，如果唔係個距離會好近，會變得多咗，珠寶方面好平均，不過裙襬好似好多布組成，過長，顯得好累贅。」
黑色晚裝裙，保險指數最高，永遠唔會出錯顏色。着條貼身裙，低胸兼露長腿，非常性感，焦點放個身材度，唯一唔穩陣係剪裁好性感，要睇身材着。
由紗裙造成皮草效果，令Rita下身顯得好肥胖，好大volume。雖然顏色好青翠、好靚，但呢種裙好蝦人着。另外，可以襯托鑽石吊墜頸鏈，效果會更高貴。
王麗儀（Janice Wong），時裝作家，是16年前華語媒體中首位遠赴歐美時裝周報道的時裝編輯。她經常為香港及海外的時裝設計比賽擔任評判，連美國CNN旗下亞洲生活時尚網站及香港Yahoo也分別讚譽她為「香港首位真正的時裝權威」及「時裝文化人」。