連詩雅被打荷包繼續血拼

歌手連詩雅（Shiga）、裕美等昨日出席活動，Shiga自爆日前在意大利被打荷包：「我由佛羅倫斯去米蘭，一出車站唔夠五分鐘就畀人打荷包。」問到損失多少？她表示錢包內有800歐元（約6,600港元）、信用卡、身份證等：「好彩我將passport分開擺，如果唔係就返唔到嚟，另外仲有一張信用卡，仲可以去血拼！」她又謂這次買到很好的教訓：「嗰刻係喊同笑之間，係咁問自己點解會發生。以後孭袋要孭前面，似師奶咁都冇所謂。」