戴尚安無意翻撻婷婷
名媛李桂蘭兒子戴尚安（Sean）昨日現身其慈善相展，展覽中包括他為舊愛謝婷婷所拍的相片。問到婷婷有否來欣賞展覽？他說：「有，佢嚟咗兩次，有次仲同爸爸謝賢一齊嚟，佢爸爸仲買咗張鯊魚嘅相。（同婷婷見番面，有冇機會復合？）
我哋係好朋友，想保持呢個狀態。（你哋一樣都咁鍾意大自然喎！）所有參與呢個計劃嘅模特兒都鍾意大自然，當然我同婷婷都一樣。（會唔會再追番婷婷？）絕對唔會。」他表示自己因忙於籌備展覽，已很久沒拍拖。而他稍後將於香港及新加坡舉辦慈善籌款晚宴，他說：「我哋嘅目標係全亞洲嘅大城市，希望下年喺中國搞。」