柯嘉琪最Buy港男
早前挾碩士生之名推出寫真的柯嘉琪（Kiko），除了擁33D索爆身材外，原來泳術亦相當厲害，還擁有高級潛水牌，堪稱入水能游出水能跳！曾到各地潛水的她直言嚮往水世界的寧靜，練水亦可鍛煉身段，問到有否遇過驚險事？她說：「記得有次喺香港見到鯨鯊，好壯觀！好在佢冇攻擊我哋，而最驚險係有次畀水母喺嘴邊『炸』咗一下，個嘴腫到似孖潤腸！」
美人魚「腰」求高
Kiko日前穿上三點式晒身材，並上課學習美人魚優美泳姿，套上美人魚尾婀娜多姿，在水中閉氣擺出不同甫士，難度甚高！事後，她表示化身美人魚暢泳的感覺很得意，但游動時需消耗很大腰力，幸好有游泳底子，又指自小已憧憬美人魚童話故事的愛情世界：「美人魚故事有唔同結局，我會選擇幸福嘅版本，因為我比較樂觀，相信王子配公主。」對於曾遊歷各地「閱仔無數」，Kiko讚法國男士最靚仔，美國男士則最大方適合做朋友，若揀另一半始終會揀港男：「試過異地戀，但覺得唔適合，香港男仔比較負責任，又同聲同氣啲，結婚都會揀番港男。」文：立影 攝：吳文聰
鳴謝：aquaticity-mermaid school
