Stephy缺陣女排賽Loey輸波
歌手鄧麗欣（Stephy）年初成立自家排球隊「Loey」，獲不少球迷爭相入隊，當中不乏長腿球花，認真的Stephy邀得魔鬼教練執教，昨日球隊出戰「第34屆全港公開馬拉松排球賽（公開組）」，身為老闆兼隊長的Stephy稱因工作而缺席比賽。Loey經過一輪激戰，直落兩盤19比21敗給敵隊，未能進身下一輪比賽，因一直處於「捱打」狀態，教練對球員相當嚴謹，在場邊不斷提點，可惜最後慘輸三分。
身在澳門的Stephy被問是否為撐男友方力申賽車比賽而缺席球賽？
她否認說：「我今日去澳門係做嘢，唔係只係支持方力申，所以冇得打。（輸波有冇唔開心？）唔緊要，當係經驗，最着眼係出年三月嘅聯賽，因為要升班，之後仲有好多呢啲比賽，累積多啲經驗，希望喺聯賽打好啲。」問到兩場都是輸三分，會否覺得唔抵？Stephy說：「輸就輸，排球就係咁，一分都係輸，冇辦法。」