王麗嘉速撇攬錫男認拍散拖

「星二代」王曼喜（Kayla）及胞妹王麗嘉（Irisa）、富商曾文豪女兒曾昭亮等，前晚出席由形象指導馬天佑策劃的KOL Base Management × i.t「聯乘拍攝宣傳特輯」活動。

Irisa被問及早前被本報獨家拍得她與一名混血男當街嬉戲兼錫錫，是否蜜運中？她大方承認：「係，不過已經冇一齊啦！我依家唔係想要好認真嘅感情，拍散拖玩吓冇乜所謂。」記者笑言該男生慘被玩弄感情，Kayla即為Irisa解圍說：「雙方面嘅。」

曾昭亮性感上陣，透露有意拍大肚寫真。	馬天佑只想做自己有興趣的事。	王麗嘉早前被本報拍得當街與混血男攬錫。（資料圖片）

分隔兩地難續前緣

Irisa透露目前有心儀對象，對方是於高中時拍過兩個月拖的同學，但由於二人目前相隔兩地，故未能再續前緣。問到心儀對象知不知道她拍散拖？她笑言：「唔知。我唔會話佢聽，可能遲啲先講。（你唔專一？）我依家先20歲，冇所謂。我有鍾意佢，不過有啲嘢發生咗。」Irisa又表示每次與男性朋友上街，事前都介紹給家人認識，故不擔心危險。

另外，提到二人的父親王敏德希望將來把家族生意傳給她們打理，Irisa直言對做生意沒興趣，但Kayla則表示其自家網上時裝店開業兩個月，生意不錯。另外，昨日Kayla出席另一活動時，透露聖誕節可能與外籍女友Lia及朋友到泰國旅行。

曾昭亮拍大肚寫真

而前晚腹大便便的曾昭亮穿上bra top襯lace透視上衣配大褸，非常性感，她說：「下星期就七個月，好想快啲生。可能因為佗仔嘅賀爾蒙問題，搞到皮膚敏感。（有冇唔開心？）會，不過冇計，做媽媽。」問她會否拍大肚寫真？她表示：「有可能。（搵馬天佑幫你設計造型？）可能，不過要睇佢得唔得閒，佢咁忙。」

文：名人組