盛君炒車險死搵型男護駕

盛君出道數年就獲得不少演出機會，她往往為表演搏盡而毫不錫身。Janelle坦言曾拍攝倒吊威哋戲而慘變花面貓：「倒吊完第二日照鏡都嚇親，成面紅點，原來爆晒微絲血管！三日都未好番，搞到我同化妝師都好驚，之前拍踢腿戲又拍到腳趾甲爆開同瘀晒。」

喜愛潛水滑雪

拍戲拍到傷痕纍纍的Janelle日前於內地高速公路遇上離奇車禍，當時她以為自己會送命：「去吉林拍戲途中撞車，當時好大雨，架車跣胎，我以為死梗！架車停咗後我哋打電話報警，發現竟然撞到前面卡車跌出嚟嘅一批輪胎！」

問Janelle會否自此對坐車有陰影？她反而自爆熱愛極限運動：「唔會，我咁鍾意揸車！我鍾意賽車、潛水同滑雪呢啲要技巧嘅運動。（你手車好辣？）我鍾意速度感，我第一年參加名人慈善賽車攞亞軍，之後一年就攞冠軍！」

由於不熟路，盛君未試過在港駕車。	盛君試過因吊威吔而令面部微絲血管爆裂。	獲不少演出機會的盛君，曾與林家棟合作。

識男友睇緣分

不過，Janelle因不熟悉香港道路，故未試過在港駕駛。問為何不結識香港男友「教路」？Janelle直言要睇緣分：「最好對方識揸車，大家可以傾吓。（會同男友鬥車？）唔會，我坐佢隔籬望住佢揸（車）得好型就得。（想揀圈內人？）冇所謂，最緊要錫我同家人。」

文：影視組

場地：Mira Moon hotel

髮型：Franco @ hair corner

化妝：kandy @ beutytech

服裝：koyo，Avenue