陳婉衡紅旗落水被水母炸傷
無綫主播「咪神」陳婉衡擁有34E的豐滿身材，最愛陽光海灘，最近她與老友到浮羅交怡旅行，卻不幸被「水母」炸傷右手，當時痛得要命的婉衡笑言有偏方可以用尿醫治，但工作人員及時用醋為她外敷傷口來暫緩刺痛。
有「咪神」之稱的34E無綫娛樂新聞主播陳婉衡，月前與女友人同遊浮羅交怡享受陽光海灘，四日三夜的行程中，玩水上電單車等運動，大晒深長事業線，其女友人更與她如孖妹一樣穿上同款泳衣，相當吸睛。
在這個季節，當地很多水母於海中出沒，故婉衡所到的沙灘都掛上紅旗，提醒泳客不要落水避免「炸傷」，怎料大頭蝦的婉衡和女友人都未有留意而落水，暢泳時即被水母「炸」傷右手而刺痛不已。
痛楚如被刀鎅
婉衡昨日受訪時說：「當時以為隻右手被刀鎅，後尾見隻水母游走先知，痛得好緊要，我朋友就話尿可以止痛，但後來工作人員即刻畀醋我敷，可能我隻手敏感，又紅又腫起咗粒粒，等咗好耐先好番。（嚇驚以後唔敢去海灘游水？）有啲陰影，工作人員話好彩嗰隻係ＢＢ水母，如大隻啲話，唔單止係炸傷手而係炸傷其他部位就慘啦！」
文：影視組