張美妮澳門取景變舊生聚會

早前隨《巨輪II》劇組前往澳門取景拍攝的張美妮，直言是結婚兩年來第一次出Trip：「上一集我都好鍾意，睇得好投入，今次同阿田、蕭正楠、陳展鵬佢哋一齊開工，可以親身參與真係好開心！另一樣就係同我一樣第十三期訓練班嘅楊明、徐榮同趙永洪一齊開呢套劇，幾個咁Friend嘅同學喺十幾年後一齊出埠做嘢，令我哋好期待！當中好多場戲大家又同場，唔使拍嗰時我哋就喺澳門周圍逛、又跳起玩自拍，拍戲同時又諗起以前啱啱識嗰陣一齊返大陸玩嘅回憶。拍呢套劇仲好有口福，我喺『羅信記』做，喺呢邊一間好出名嘅手信舖拍，一餓就隨時拎嚟食，食到我返香港時畀老公話我肥咗！」