吳雨霏黐實老公出埠造人
歌手吳雨霏（Kary）婚後與老公仍然處於蜜月期，恩愛到陪老公出埠公幹，問到有否趁機造人時，她一邊說順其自然，但原來背後已做足功課，補身打定底準備當媽媽。
歌手吳雨霏（Kary）與藝人謝婷婷昨晚出席首飾品牌開幕活動，並擔任剪綵嘉賓。記者指Kary婚後反而比以前更悉心打扮，她表示：「唔係嘅，不嬲都貪靚，見到婷婷覺得自己好小兒科！（你婚後比以前性感！）我覺得靚就着，唔係刻意性感。」提到早前陪老公Brian到印尼，Kary慨嘆老公工作繁忙，大呻好慘：「佢好慘！以為有得relax吓，明明放假但都要不停check email、講電話。（冇時間造人？）有嘅，但正如頭先所講，食飯都要check email，電話隨時on call，冇辦法，我體諒佢。」
兩邊屋企人都冇催
問到婚後是否要mark實老公？她坦言不是，反而想自己去旅行：「佢出去做(口野)，我可以自己去逛吓。」又再談到造人的話題時，Kary表示順其自然，不過原來背後已準備不少工夫，她說：「唔會畀壓力佢，好怕好似做功課咁，順其自然，兩邊屋企人都冇催。（有冇補身？）以前好唔錫身，依家有睇中醫同做運動，『立雜(口野)』都盡量戒。」
婷婷與父分享首飾
穿上露肩低胸裙的謝婷婷自言有六、七個耳洞，又有性感的臍環，繼而透露爸爸謝賢（四哥）一樣貪靚有耳洞。問可有與四哥分享首飾時，她笑言：「我試過將爹哋嘅戒指當耳環夾耳仔！早排同佢行街，佢乜都鍾意買，佢戴咩都好睇。」她表示已送了聖誕禮物給四哥：「我送咗份禮物畀佢，叫佢去到餐廳先拆，佢係都要拆咗先！（送咩？）佢鍾意着樽領，送咗條領巾畀佢襯衫。（除咗爹哋，有冇其他男性同你行街？）其實行街都好少，係同爹哋，我平時鍾意自己行街多。」
文：名人組