夏文汐處女唱拖實王浩信
藝人夏文汐前晚於《我的女神演唱會．香港站》演出，自稱「夜貓女神」的她邀得心目中的「男神」王浩信合唱《親密愛人》，更甜蜜拖手唱歌。
騷後受訪談到非唱家班的夏文汐首次開騷，她笑言：「真係處到唔處，畀咗個處女大家，係處女騷先啱。（心情緊張？）開頭有少少緊張，都有腳震，後尾就好啲。（覺得唱成點？）OK啦，我會畀自己60分，啱啱合格。（事前有冇搵老師學唱歌？）我打天才波，我嘅老師就係卡啦OK。」她表示三個女現時在美國，故有叫朋友拍片給她們看，問可會擔心美國的治安？她謂：「佢哋住白人區治安都OK，呢啲冇得擔心，沖沖吓涼都可以突然去咗。」