陳豪聖誕帶囝囝放眼世界

藝人陳豪（阿Mo）昨日出席香港貿易發展局舉辦的「香港·設計廊」灣仔店重新開幕禮，透露老婆陳茵媺（Aimee）為他任私人形象指導：「佢幫我揀件外套，佢買咩我就着咩，交晒畀佢，係fashion大神！（財產呢？）已經融為一體，我嘅即係佢嘅，佢嘅即係我嘅。」

陳茵媺大肚照樣飛

他又透露劇集《完美叛侶》將於12月完成拍攝，正計劃聖誕出國旅行。問到Aimee腹大便便仍坐飛機？他說：「暫時仲可以，佢之前都試過周圍飛，去到第四階段臨生前就唔可以。（緊張？）信心愈來愈多，依家已經第三個，所以冇問題。」雖然如此，但他亦坦言不會遠行：「始終小朋友未負擔到搭長途機。（世界咁亂唔驚？）冇得驚，父母係應該要帶小朋友放眼世界，太矚目、多人嘅地方就避開。（唔過二人世界？）要嘅，學緊time management（時間管理）。」他表示Aimee肚中的BB還未知性別：「快(口架)喇！」預產期為明年四、五月。

陳茵媺與老公將帶囝囝聖誕出國旅行。	雷頌德	愛妻號的陳豪表示，與太太的財產冇分你我。

雷頌德老婆逼睇騷

同場的音樂人雷頌德（Mark）對於老婆梁家玉主持的節目《閨密教煮》，他表示：「有睇，唔睇畀人鬧。幾好，好fresh。（有觀眾指訪問內容比煮嘢食多好多？）第一次訪問Big Four的確好長，但亦都好好笑，嚟緊會平衡番。第一次整體嚟講唔錯。（囝囝有否收看？）喺屋企佢有睇，有次出街食飯，佢問點解出街都見到媽咪出現喺電視！」

文：名人組