岑潔儀食三碗飯補奶水

早前誕下一子的藝人岑潔儀（Zoey）和「模界楊冪」楊光昨日出席家具品牌活動，Zoey表示囝囝前日剛滿10個月，可是連日來不斷發高燒：「燒到成40度，應該係出牙關係，呢幾日都冇覺好瞓，加上我仲keep住餵人奶，所以每日每隔3個鐘就要起身餵奶，但見到BB飲人奶咁健康，同埋我同佢嘅關係又親密啲，就咩都值得。」有意再戰幕前的她又謂自己暫未可收身：「因為我食咩，BB就食咩，我依家每餐都食3碗飯，必須要為BB補充奶水。」