朱俊浩計孖胎基因誓3年抱5

朱沃裕（左起）與朱李月華恨抱孫，叮囑一對新人要快啲生B。

朱李月華的兒子朱俊浩昨日迎娶有「兒童合唱團之父」之稱的葉惠康外孫女羅之琦，在會展筵開150席，早前兩人已在泰國蘇梅島舉行婚禮，當時劉嘉玲、張智霖伉儷和那英均有出席，而昨日劉嘉玲和袁詠儀再度出席飲宴，十分畀面，其他出席嘉賓還有名人蔡志明伉儷與兒子蔡加讚、鄧鉅明伉儷、郭少明伉儷、毛玉萍與兒子、陳小寶與陳細潔兩姊妹等。榮升奶奶的朱太，與夫婿朱沃裕一同受訪，問到是否心急抱孫？朱太笑說：「我哋結婚32年，個仔30歲，佢哋都行咗9年長跑，梗係恨，（生幾多個？）一隊5個嘅籃球隊就夠數。（婚禮你埋單？）數字唔重要，最緊要開心，（幾多budget？）有budget嘅係佢哋要生5個，希望快啲畀好消息我。」

新郎要日日都開心

一對新人在台上甜蜜咀足3次，新郎笑說：「有人話結婚係一生人最開心嘅日子，咁即係以後日子唔好過？所以我唔信，日日都咁開心，由今日開始愈嚟愈開心！」新娘子大讚丈夫為人成熟又誠實，是她最好的朋友，而且常常逗她笑；而新郎就欣賞太太是一個很有才華的人，既用心工作，亦用心照顧他，問到是否已開始造人？新郎風趣地說：「依家先開始？以為一早開始咗。我哋家族有孖胎基因，有人叫我哋3年抱5，盡力啦！（媽媽催抱孫？）唔使急但要快！」問到婚禮花了幾多錢，朱俊浩笑言：「要問番媽咪，因為我冇可能夠錢埋單。」

薛嘉麟全程攬實諸葛晒恩愛。

鄧鉅明伉儷

諸葛孖夫婿晒恩愛

此外，名模諸葛紫岐與夫婿薛嘉麟自傳婚變後，昨晚首度現身闢謠，薛嘉麟全程攬實太太晒恩愛，更揚言太太說話是家訓，太太要甚麼都答應，一副廿四孝老公模樣，氹得諸葛冧爆讚老公很懂得說話，薛嘉麟更揚言隨時可請假多陪太太，身旁的諸葛即撒嬌反問不要講大話。文：名人組

蔡志明伉儷

毛玉萍（中）偕兒子Eric及其未婚妻Jacquelin到賀。