11.28簽字結婚王菀之搵軒仔陪嫁

歌手王菀之（Ivana）昨與張敬軒為音樂會劇場版綵排，這亦是Ivana日前宣布下嫁「figure王」蘇卓航（Eric）後首度公開露面，被問婚事的Ivana顯得非常怕醜，更要拉埋軒仔陪她受訪，笑指軒仔是其安全網。Ivana左手無名指戴着求婚鑽戒，問到鑽石卡數，她說不清楚。

Ivana承認會於本月28日簽字結婚，但場地未落實，但不會搞婚禮，只與親人食飯慶祝：「我哋兩個性格都有少少低調，我哋有好多唔同圈子嘅朋友，可能會搞唔同派對慶祝，十個八個唔少得。（軒仔話要做你伴娘？）佢要做我會畀佢做，佢可以幫手拎嘢。」

Ivana簽字當日亦不會穿婚紗：「有準備條裙，但唔似婚紗，想揀有意義嘅衫着，我哋放上網嘅相就係我哋嘅婚紗相。（有咩意義？）唔知點形容，淨係嗰日會着，佢（Eric）仲買咗個特別嘅頭飾畀我襯條裙。（唔着婚紗會遺憾？）因為做嘢時有着過，咁緊要嘅日子都係着自己鍾意嘅衫。」

至於蜜月地點，Ivana透露應會到歐美，數月前已向公司請了一個月大假，她又表示父母很滿意Eric這位女婿，但也捨不得她出嫁。問是否已稱Eric做老公？她甜笑說：「未。（28日先嗌？）到時先算。（依家點嗌佢？）唔係疊字，係種食物，唔講喇。」

文：名人組

11.28簽字結婚 王菀之搵軒仔陪嫁