馬國明收雙倍做澳門除夕騷
藝人馬國明昨日出席商場活動，直言新劇《梟雄》熱播效應而接了不少工作，下月更以雙倍酬勞到澳門出席除夕活動，笑言正努力儲錢置業，眼見現場小朋友表演跳舞，馬國明不諱言將來也想任父親，即使仔女也冇所謂。
談到該劇前晚播出唐詩詠被姦戲份，但似乎有點草草帶過，馬國明笑指明白網民想看多一點，但電視尺度有限，更謂：「套劇唔係sell呢啲，係講男人江湖鬥爭，所以呢啲戲份點到即止。（大家聽唔慣你個配音！）公司係搵咗個好似黃秋生把聲嚟配，朋友睇完以為係秋生配。（點解黎耀祥同湯鎮業年輕版都係自己演，剩係你做秋生年輕版？）角色係講我後生佢哋十幾年，起初我都有猶豫嘅，後來公司講咗佢哋想點安排，都覺得冇所謂啦！」