陳庭欣備戰台慶峰殺全場

「咪神」陳庭欣難掩好身材，試晚裝時上圍逼爆。

全城關注的《萬千星輝賀台慶》將在19日舉行，日前無綫「咪神」陳庭欣（Toby）到晚裝店精心揀選戰衣，大方展示驕人身段的她騷出3吋事業線，輕易「線」低「對手」！現年28歲的她備受力捧，更獲欽點領軍「U20」做奧運天使，擁34D導彈的Toby望以高貴路線「峰」殺全場：「呢個大日子一年一次，相信全台人都會着到最靚！而性唔性感嘅大前題都係以高貴行先，呢方面冇話set底線喺邊，最重要係搵到條合適嘅裙，千祈唔好走光！（有咩防走光秘訣？）盡量嗰晚唔好跌嘢落地下啦，避免啲太大動作嘅movement同埋自己本身都會攜帶住一卷雙面膠紙，要嚟黐係裙邊感覺會安全啲。」

羨慕張曦雯身材

對於「咪神」稱號，Toby笑言感尷尬，更透露最近狂操馬甲線，實行「雙線」發展：「依家最主要想健康啲，最近都做好多運動，又成日跳舞，想去練啲線條出嚟！（對其他咪神點睇？）公司好多同事身材都好靚，尤其呢排成日都見住，大家一齊排舞，最羨慕就係『明珠』女神張曦雯！佢有佢嘅高度，呢樣我恨咗好耐，但我點做都唔會有佢咁高，就唯有再keep瘦啲，線條靚啲，依家都有啲馬甲線出咗嚟，但依樣要努力keep住，可能一星期5日都要做足運動，同埋食嘢要控制，所以其實要有唔難，但要keep住就好難！」 文：專案組

陳庭欣透露最近狂操馬甲線，練出更靚線條。	陳庭欣認真揀選戰衣，「峰」殺全場！	張曦雯被陳庭欣封女神，身材靚又夠高。

服裝：EverAfter Bridal Gowns化妝：Phoebe Yung

髮型：HAiR - Match