唔知關之琳離婚 劉嘉玲：唔係best friend
早前關之琳驚爆與台灣富豪陳泰銘離婚，並指劉嘉玲與陳泰銘行山是不顧他人感受。劉嘉玲昨晚出席飲宴，被問及心情是否已有好轉？她說：「無喇，點會唔開心。（有冇同關之琳了解事件？）我諗佢喺感情上唔開心，所以敏感，希望佢快啲無事。（陳生唔畀名份佢，唔係咁好？）
唔可以咁判斷，每個人處理事方式唔同。」她表示有跟陳泰銘聯絡，並叫對方交代事件免傷害大家，又指會待事情丟淡後才聯絡關之琳，但問到是否仍是好朋友時，她帶笑說：「我都唔知佢結婚同離婚，都唔係好best friend。」
另外，呂良偉與太太楊小娟也有到場，楊小娟被問到好友關之琳的近況時，她說：「唔開心一定有，不過依家OK。（佢因為嘉玲同陳生行山唔開心？）誤會嚟，佢唔會咁諗。（話冇理佢感受？）佢講佢老公唔理佢感受，唔係講嘉玲。」她認為若一個男人愛一個女人，應該要光明正大。