袁學謙食蘋果金寶減壓

樂隊movin'主音袁學謙為了音樂會及新碟決心操fit自己，在飲食上特別注重食物的熱量。然而密集的操練令他也想鬆弛一下，選擇all day breakfast和甜品蘋果金寶放縱自己：「我本身好鍾意食蛋，今次all day breakfast揀咗賓尼迪蛋，蛋味好足夠，另外伴碟嘅煙三文魚煙燻得幾好，唔會過鹹。而我最欣賞係個薯餅，因為係食到一粒粒薯仔粒，好實在但唔會硬，非常香口。」
袁學謙每次做完運動後，都會吃all day breakfast放縱自己。
袁學謙每次做完運動後，都會吃all day breakfast放縱自己。

至於這餐廳的蘋果金寶有別於其他地方，阿謙說：「平時金寶啲粒粒可能用餅碎整，但佢特別嘅係用咗果仁，同埋蘋果好夠味唔會過甜或者酸。」阿謙指每次遇到壓力，只需一個蘋果金寶便能令自己平靜，不過這甜品的熱量非常高，他笑言吃畢後都有罪惡感，立即有動力做運動減肥。

袁學謙對加了果仁的蘋果金寶讚不絕口。
  • 袁學謙對加了果仁的蘋果金寶讚不絕口。