徐濠縈降grade唔成囡囡陪跑

潮人徐濠縈、名模馬詩慧與老公王敏德、名人二代邢嘉倩與曾昭怡及胞妹曾昭令、邱子傑與太太邱李茂琪，以及「恒新新抱」何倍倩等昨晚出席Fendi專門店重新開幕一周年派對。

每周巡唱當運動

提到聖誕節，阿徐稱預計會一家留港慶祝，因為老公陳奕迅聖誕前夕要在美加開巡迴個唱，不想對方太過奔波。至於早前有指Eason可能會報名馬拉松比賽，阿徐表示老公最後沒有報名，她無奈地說：「我本來諗住降grade陪佢跑10公里，不過佢冇報名又冇練跑，佢好難練跑，因為要做巡唱，又冇人陪佢跑，佢又唔鍾意我陪佢跑，我個女都好驚陪我跑。（阿女都有練跑？）有，佢叻過Eason，阿女最長可以跑到8公里，Esaon最多3、4公里。」阿徐表示雖然Eason跑得較慢，但要讚揚他每星期做巡唱的體力：「佢做巡唱好似我跑一場馬拉松咁，要唱三、四個鐘，又唱又跳，當係每星期嘅運動。」

Eason	曾昭怡（左）產後首次公開亮相，與胞妹曾昭令出席活動。	邢嘉倩型格十足，甚得母親張天愛真傳。

擱置休學做女模

名模馬詩慧透露二女王麗嘉已擱置休學一年到紐約做模特兒的計劃，而改為讀書及做模特兒同步進行：「佢喺波士頓讀書，飛去紐約只係兩個鐘，Daddy叫佢返去讀書，星期六、日先去紐約，好過坐喺度浪費時間，呢行條件好嘅人大把，要講運氣。（囡囡接唔接受呢個提議？）佢接受，我哋唔放心佢一個人喺紐約。Michael（王敏德）又走唔開，我認唔到路，又唔識揸車，我去嘅作用唔大。」

邱子傑笑言要陪太太邱李茂琪揀心頭好。

馬詩慧與王敏德提議二女重返校園。

另外，曾昭怡產後一個月首次現身公開活動，她自爆因為坐月進補的關係，體重比生之前增加，她稱女兒改名為Madison，又笑言要趕返家中餵奶。

文：名人組