陳慧琳日日加操似重返校園
「潮媽」陳慧琳（Kelly）為一連九場聖誕節紅館騷展開密集式操練，生活反而變得規律，像以前讀書般重投校園生活，即將面臨「開考」日子，自嘲記憶力差的Kelly要將勤補拙，加倍努力。
「陳慧琳（Kelly）let's celebrate！世界巡迴演唱會」將於12月舉行，連月來Kelly已進行密集式排練，除了瑜伽、拉筋等指定動作，每日跳足三、四個鐘，她笑說：「依家啲筋骨順番晒。」為了今次演唱會她特別學跳一些有難度的新舞步，經過多番挑戰練習，終能「達標」，身形fit了的Kelly未有太過節食，她說：「唔可以唔食，因為要夠力跳舞。」
兩個仔跟住揈
除了排舞，Kelly每日會花兩、三個鐘練歌，令她覺得像重拾校園生活，生活因而變得很有規律：「日日上堂，個人好有energy！」她甚至會攝錄排舞片段，回家再加以練習：「真係好似讀書溫習，要應付嚟緊嘅考試咁。」而她在家中練舞時，兩個囝囝會跟住跳，學她左揈右揈，非常搞笑！
老公體貼湊仔
距離開騷還有一個月，Kelly的老公Alex非常體貼，暫時肩負起湊仔工作，好讓太太全情投入排練。」日前她排舞時，楊千嬅前來探班，順道為排舞老師Sunny Wong慶祝生日。千嬅曾表示生完仔後，記憶力變差了，Kelly可有同樣問題？她笑說：「我不嬲都差，記性唔係咁好，所以要將勤補拙。」七年後再在紅館開騷，Kelly坦言心情興奮，十分期待：「因為真係好耐冇喺紅館個舞台同歌迷見面。」
文：音樂組