薛凱琪被王菀之催婚
薛凱琪（Fiona）昨日到電台宣傳新歌《點水蜻蜓》，一臉倦容的她透露只睡了兩小時：「拍MV拍到朝早六點，今次我做導演同美指，搵場地同衫都要理，仲超支三成，不過公司好好唔使我貼錢。」有指她踢走楊千嬅奪年底的「叱咤女歌手」銀獎，Fiona說：「冇睇報道同唔會睇，怕睇完到時失望。（有信心？）我係有信心歌手，攞金銀銅咩顏色都係一個獎，每個獎都係珍貴。」
提到好姊妹王菀之驚爆婚訊，單身多時的Fiona自爆獲對方送祝福：「因為我哋（王菀之、吳雨霏、林二汶）有個群組，王菀之特登錄咗段音畀我，話『我嫁咗出去喇，好想喺呢個群組集三個女仔力量祝福你』。（笑你未嫁出？）係祝福我。」