林海峰認與楊千嬅疏離
楊千嬅與林海峰（Jan）於新片《哪一天我們會飛》內扮演一對相對無言的夫婦，二人戲份一般，但演技獲外界肯定，尤其Jan改走劇情片路線令人有意外驚喜。戲中二人看似有默契，但當問Jan對千嬅的感覺時，他搞笑謂：「其實我同佢唔係好熟，因為我嘅工作平日被困辦公室對住四面牆，同入咗獄冇乜分別，最多有啲獄卒同太平紳士得閒嚟探吓監咋。千嬅？見得最多咪一年一次嘅樂壇頒獎禮囉。」
千嬅與Jan各自覓得最愛，不介意分享夫妻相處之道謂。Jan謂：「傾唔埋咪行開吓囉，但千祈唔好行得遠，澳門唔去得，出埠飛日本更加死得。」千嬅認同表示﹕「呢樣嘢唔只係夫妻之道，套用到工作上嘅合作亦得，有時諗唔通嘅嘢咪放低一陣先囉。」戲中千嬅陷三角戀，最終選擇Jan，千嬅笑言這些「選擇題」只會出現於自己事業。
千嬅服飾：Roksanda @ Joyce
場地：香港都會海逸酒店