胡定欣預告騷肌歐陽震華讚有台型

歐陽震華大讚胡定欣演技出色，很開心與她合作拍劇。

歐陽震華（Bobby）、胡定欣、騰麗名、呂慧儀、劉佩玥、羅蘭、胡楓、劉江等昨日為無綫新劇《一屋老友記》試造型，Bobby有信心劇集有33點收視。問新劇是否似經典劇《執到寶》？他說：「都係講鬼，《執到寶》太經典，講屋企鬼戲大家都會諗起，但我哋呢套唔會講鬼字，會講老友記，同埋都係搞笑嚇人，唔係驚嚇。」

自認笑點低

Bobby大讚首次合作的定欣演技出色，有女主角台型。他說：「證明我仲可以拍住後生女，仲未開始老。」定欣則說：「我會繼續努力，之前撞到傾偈，佢都好鼓勵我，終於等到同佢合作。（擔心忍唔住笑NG ?） 一定會發生，我嘅忍笑功力好低，望住佢都好想笑。Bobby係TVB福將，未拍Bobby都已經話33點。」定欣在劇中飾演水電工，近期練得一身弗爆肌肉的她笑謂會在劇中借勢騷肌：「我會有意無意摺起衫袖，騷吓老鼠仔。」

滕麗名笑言於劇中經常鬧交，擔心喉沙。	劉佩玥很開心與「開心果」歐陽震華合作。	《一》劇台前幕後有信心令觀眾笑爆嘴。

呂慧儀於劇中飾演有公主病的「如花」，經常與滕麗名鬧交。問到與Bobby合作可擔心忍不到笑？她笑說：「我唔忍得笑，我都驚NG。（開劇冇時間湊仔？）都OK，老人家幫手湊，依家個仔15個月大，冇咁黐身。」

文：影視組