藝人葉翠翠前晚出席美容品牌活動，新婚的她坦言正全力keep好身體，預備生B：「因為自己血液循環一直都唔好，依家就要勤力啲保養，我發覺調理好身體真係好重要，老公都同我一齊努力緊，始終年紀都唔細喇，佢（老公），哈哈！（想生幾多個？）一兩個啦，我都驚生完身材會走樣。」
談到有關蔡思貝學歷被質疑事件，翠翠說：「我冇聽過喎，唔知道。佢個人好好，好nice，其實咩學歷都唔重要啦！（驚唔驚影響港姐形象？）查咗件事係真定假先啦，總之就唔會影響到我哋感情嘅！」
