學歷受質疑蔡思貝遭無綫「照肺」
2013年香港小姐亞軍蔡思貝學歷近日備受質疑，前日稱要了解事件避談追訪的蔡思貝昨日下午繼續為無綫劇集《味想天開》開工，據悉她昨與父母齊齊見高層樂易玲交代事件。昨記者致電樂易玲，她表示經了解，蔡思貝向公司報稱的學歷及提交的交件確實無誤，如今所聽到的與她的工作和公司無關，故不作評論，她在公司的工作安排仍如往常。
問蔡思貝對被質疑學歷了解到怎樣？她說：「了解咗啦，今日上咗去見公司，同公司交代、講清楚，依家交畀公司處理，因為都大件事，工作以外就唔回應。（公司點處理？）唔知，交畀公司處理，睇吓點做。（公司了解完會否交代你究竟有冇讀過？）公司要睇番先再作決定。（同公司交代咗啲咩？）同公司交代清楚時，工作以外嘅嘢唔講。（屋企人有冇擔心？）有，叫佢哋唔好擔心，依家日日開工拍劇，專注劇本。」
蔡思貝被問可擔心事件影響形象？她說：「都會，因為出晒報紙，但係會忠於自己，努力工作。（點解唔澄清？）等公司安排。（究竟有冇讀過嗰間大學？）除咗工作，其他都唔回應。（擔心坐監？）冇諗到咁遠。（可有因事件失眠？）唔會，當你凌晨收工就唔會瞓唔着。」而無綫企業傳訊部副總監曾醒明，則表示蔡思貝交給TVB的學歷文件經審閱後正確無誤，蔡思貝工作如常，沒有任何更改。至於與蔡思貝工作無關的事情，則不便回應。